12 જ્યોતિર્લિંગનું ફળ આપતું " દ્વાદશ જ્યોતિર્લિંગ સ્તોત્ર " નો પાઠ કરો || Dwadash Jyotirlinga Stotra Lyrics

લઘુ દ્વાદશ જ્યોતિર્લિંગ સ્તોત્રમ્ :

સૌરાષ્ટ્રે સોમનાથંચ શ્રીશૈલે મલ્લિકાર્જુનમ્ | 

ઉજ્જયિન્યાં મહાકાલં ઓંકારેત્વમમલેશ્વરમ્ ‖ 

પર્લ્યાં વૈદ્યનાથંચ ડાકિન્યાં ભીમ શંકરમ્ | 

સેતુબંધેતુ રામેશં નાગેશં દારુકાવને ‖ 

વારણાશ્યાંતુ વિશ્વેશં ત્રયંબકં ગૌતમીતટે | 

હિમાલયેતુ કેદારં ઘૃષ્ણેશંતુ શિવાલયે ‖ 

એતાનિ જ્યોતિર્લિંગાનિ સાયં પ્રાતઃ પઠેન્નરઃ| 

સપ્ત જન્મ કૃતં પાપં સ્મરણેન વિનશ્યતિ ‖ 

સંપૂર્ણ દ્વાદશ જ્યોતિર્લિંગ સ્તોત્રમ્ :

સૌરાષ્ટ્રદેશે વિશદેઽતિરમ્યે જ્યોતિર્મયં ચંદ્રકળાવતંસમ્ | 

ભક્તપ્રદાનાય કૃપાવતીર્ણં તં સોમનાથં શરણં પ્રપદ્યે ‖ 1 ‖ 

શ્રીશૈલશૃંગે વિવિધપ્રસંગે શેષાદ્રિશૃંગેઽપિ સદા વસંતમ્ | 

તમર્જુનં મલ્લિકપૂર્વમેનં નમામિ સંસારસમુદ્રસેતુમ્ ‖ 2 ‖ 

અવંતિકાયાં વિહિતાવતારં મુક્તિપ્રદાનાય ચ સજ્જનાનામ્ | 

અકાલમૃત્યોઃ પરિરક્ષણાર્થં વંદે મહાકાલમહાસુરેશમ્ ‖ 3 ‖ 

કાવેરિકાનર્મદયોઃ પવિત્રે સમાગમે સજ્જનતારણાય | 

સદૈવ માંધાતૃપુરે વસંતં ઓંકારમીશં શિવમેકમીડે ‖ 4 ‖ 

પૂર્વોત્તરે પ્રજ્વલિકાનિધાને સદા વસં તં ગિરિજાસમેતમ્ | 

સુરાસુરારાધિતપાદપદ્મં શ્રીવૈદ્યનાથં તમહં નમામિ ‖ 5 ‖ 

યં ડાકિનિશાકિનિકાસમાજે નિષેવ્યમાણં પિશિતાશનૈશ્ચ | 

સદૈવ ભીમાદિપદપ્રસિદ્ધં તં શંકરં ભક્તહિતં નમામિ ‖ 6 ‖

શ્રીતામ્રપર્ણીજલરાશિયોગે નિબધ્ય સેતું વિશિખૈરસંખ્યૈઃ | 

શ્રીરામચંદ્રેણ સમર્પિતં તં રામેશ્વરાખ્યં નિયતં નમામિ ‖ 7 ‖ 

યામ્યે સદંગે નગરેઽતિરમ્યે વિભૂષિતાંગં વિવિધૈશ્ચ ભોગૈઃ | 

સદ્ભક્તિમુક્તિપ્રદમીશમેકં શ્રીનાગનાથં શરણં પ્રપદ્યે ‖ 8 ‖ 

સાનંદમાનંદવને વસંતં આનંદકંદં હતપાપબૃંદમ્ | 

વારાણસીનાથમનાથનાથં શ્રીવિશ્વનાથં શરણં પ્રપદ્યે ‖ 9 ‖ 

સહ્યાદ્રિશીર્ષે વિમલે વસંતં ગોદાવરિતીરપવિત્રદેશે | 

યદ્દર્શનાત્ પાતકં પાશુ નાશં પ્રયાતિ તં ત્ર્યંબકમીશમીડે ‖ 10 ‖ 

મહાદ્રિપાર્શ્વે ચ તટે રમંતં સંપૂજ્યમાનં સતતં મુનીંદ્રૈઃ | 

સુરાસુરૈર્યક્ષ મહોરગાઢ્યૈઃ કેદારમીશં શિવમેકમીડે ‖ 11 ‖ 

ઇલાપુરે રમ્યવિશાલકેઽસ્મિન્ સમુલ્લસંતં ચ જગદ્વરેણ્યમ્ | 

વંદે મહોદારતરસ્વભાવં ઘૃષ્ણેશ્વરાખ્યં શરણં પ્રપદ્યે ‖ 12 ‖ 

જ્યોતિર્મયદ્વાદશલિંગકાનાં શિવાત્મનાં પ્રોક્તમિદં ક્રમેણ |

સ્તોત્રં પઠિત્વા મનુજોઽતિભક્ત્યા ફલં તદાલોક્ય નિજં ભજેચ્ચ ‖ 13 ‖ 

ભગવાન શ્રીગણેશનો આ મંત્ર સર્વ ઈચ્છા પૂર્ણ કરશે

કિંગ ઓફ સાળંગપુરના કરો દર્શન 🙏

આજના અનેક પ્રસિદ્ધ મંદિરોના દર્શન

સાંવરિયા શેઠ મંદિરમાં થયું 10 કરોડથી વધુ દાન !