ગણેશ 108 નામ સ્તોત્ર | Ganesh Ashttotarshat naam stotra lyrics

વિનાયકો વિઘ્નરાજો ગૌરીપુત્રો ગણેશ્વરઃ ।

સ્કંદાગ્રજોઽવ્યયઃ પૂતો દક્ષોઽધ્યક્ષો દ્વિજપ્રિયઃ ॥ 1 ॥

અગ્નિગર્વચ્છિદિંદ્રશ્રીપ્રદો વાણીપ્રદોઽવ્યયઃ

સર્વસિદ્ધિપ્રદ-શ્શર્વતનયઃ શર્વરીપ્રિયઃ ॥ 2 ॥

સર્વાત્મકઃ સૃષ્ટિકર્તા દેવોઽનેકાર્ચિતશ્શિવઃ ।

શુદ્ધો બુદ્ધિપ્રિય-શ્શાંતો બ્રહ્મચારી ગજાનનઃ ॥ 3 ॥

દ્વૈમાત્રેયો મુનિસ્તુત્યો ભક્તવિઘ્નવિનાશનઃ ।

એકદંત-શ્ચતુર્બાહુ-શ્ચતુર-શ્શક્તિસંયુતઃ ॥ 4 ॥

લંબોદર-શ્શૂર્પકર્ણો હર-ર્બ્રહ્મવિદુત્તમઃ ।

કાલો ગ્રહપતિઃ કામી સોમસૂર્યાગ્નિલોચનઃ ॥ 5 ॥

પાશાંકુશધર-શ્ચંડો ગુણાતીતો નિરંજનઃ ।

અકલ્મષ-સ્સ્વયંસિદ્ધ-સ્સિદ્ધાર્ચિતપદાંબુજઃ ॥ 6 ॥

બીજપૂરફલાસક્તો વરદ-શ્શાશ્વતઃ કૃતી ।

વિદ્વત્ પ્રિયો વીતભયો ગદી ચક્રીક્ષુચાપધૃત્ ॥ 7 ॥

શ્રીદોઽજ ઉત્પલકરઃ શ્રીપતિઃ સ્તુતિહર્ષિતઃ ।

કુલાદ્રિભેત્તા જટિલઃ કલિકલ્મષનાશનઃ ॥ 8 ॥

ચંદ્રચૂડામણિઃ કાંતઃ પાપહારી સમાહિતઃ ।

અશ્રિત-શ્રીકર-સ્સૌમ્યો ભક્તવાંછિતદાયકઃ ॥ 9 ॥

શાંતઃ કૈવલ્યસુખદ-સ્સચ્ચિદાનંદવિગ્રહઃ ।

જ્ઞાની દયાયુતો દાંતો બ્રહ્મદ્વેષવિવર્જિતઃ ॥ 10 ॥

પ્રમત્તદૈત્યભયદઃ શ્રીકંઠો વિબુધેશ્વરઃ ।

રમાર્ચિતો નિધિ-ર્નાગરાજયજ્ઞોપવીતવાન્ ॥ 11 ॥

સ્થૂલકંઠઃ સ્વયંકર્તા સામઘોષપ્રિયઃ પરઃ ।

સ્થૂલતુંડોઽગ્રણી-ર્ધીરો વાગીશઃ-સિદ્ધિદાયકઃ ॥ 12 ॥

દૂર્વાબિલ્વપ્રિયોઽવ્યક્તમૂર્તિ-રદ્ભુતમૂર્તિમાન્ ।

શૈલેંદ્રતનુજોત્સંગખેલનોત્સુકમાનસઃ ॥ 13 ॥

સ્વલાવણ્યસુધાસારજિતમન્મથવિગ્રહઃ ।

સમસ્તજગદાધારો માયી મૂષકવાહનઃ ॥ 14 ॥

હૃષ્ટ-સ્તુષ્ટઃ પ્રસન્નાત્મા સર્વસિદ્ધિપ્રદાયકઃ ।

અષ્ટોત્તરશતેનૈવં નામ્નાં વિઘ્નેશ્વરં વિભુમ્ ॥ 15 ॥

તુષ્ટાવ શંકરઃ પુત્રં ત્રિપુરં હંતુમુદ્યતઃ ।

યઃ પૂજયેદનેનૈવ ભક્ત્યા સિદ્ધિવિનાયકમ્ ॥ 16 ॥

દૂર્વાદળૈ-ર્બિલ્વપત્રૈઃ પુષ્પૈર્વા ચંદનાક્ષતૈઃ ।

સર્વાન્કામાનવાપ્નોતિ સર્વવિઘ્નૈઃ પ્રમુચ્યતે ॥